ADALEN 1

Epektibo nga Introduksion

Aramid 17:22

SUMARIO: Masapul a maala ti introduksionmo ti interes dagiti agdengdengngeg, pagminarenna ti topikom, ken ipakitana no apay a masapul a paginteresanda dayta.

TI ARAMIDEM:

Alaem ti interes dagiti agdengdengngeg. Mangpilika iti saludsod, sasao, agpayso a kapadasan, wenno damag a makapainteres kadakuada.

Nasaksakbay a panunotem dagiti paginteresan ken pakaseknan dagiti agdengdengngeg ket ibagaymo ti introduksionmo.
Pagminarem ti topiko. Siguraduem nga iti introduksion, nalawag ti topiko ken panggep ti presentasionmo kadagiti agdengdengngeg.
Ipakitam no apay a napateg ti topiko. Ibagaymo ti ibagam iti kasapulan dagiti agdengdengngeg. Masapul a nalawag a matarusanda no kasano a personal a makatulong kadakuada ti topikom.

Bayat nga isagsaganam ti palawagmo, isaludsodmo iti bagim, ‘Ania ti situasion dagiti kakabsat iti kongregasionko?’ Sa ibagaymo ti introduksionmo iti kasapulanda.