Ipakita ti Pateg ti Material

Proverbio 3:21

SUMARIO: Tulongam dagiti agdengdengngeg a mangtarus a napateg ti topikom iti biagda, ken ipakitam no ania ti aramidenda iti masursuroda.

TI ARAMIDEM:

• Panunotem dagiti agdengdengngeg. Panunotem a naimbag no apay a kasapulan a mangngegda ti impormasion nga ibagam, ken kitaem no ania a paset iti topiko ti ad-adda a makatulong kadakuada.

• Iti intero a presentasionmo, ipakitam no ania ti aramiden dagiti agdengdengngeg. Iti rugi pay laeng, mabigbig koman ti agdengdengngeg, ‘Para kaniak daytoy.’ Bayat a bukbuklem ti tunggal kangrunaan a punto, ipakitam no kasano a mayaplikar dayta. Agbalinka nga espesipiko.