ADALEN 16

Makapabileg ken Positibo

Job 16:5

SUMARIO: Agpokus iti bambanag a mangpasayaat iti situasion ken makaparegta.

Positibo koma ti panangmatmatmo kadagiti agdengdengngeg. Agtalekka a kayat dagiti kapammatiam a paragsaken ni Jehova. Uray no masapul a mangbalakadka, naimpusuan a mangkomendarka pay nga umuna no posible.

Ayat koma ti pakatignayam nga agsao, saan a gapu ta masuronka. Umisemka tapno maalam ti rikna dagiti agdengdengngeg.
Limitaram ti negatibo nga impormasion. Iramanmo laeng ti negatibo nga impormasion no kasapulan iti topikom. Positibo koma ti intero a pakabuklan ti presentasionmo.
Usarem a naimbag ti Sao ti Dios. Ipaganetgetmo ti inaramid, ar-aramiden, ken aramidento ni Jehova para iti sangatauan. Paregtaem ken pabilgem dagiti agdengdengngeg.