BAKES

[Heb., qohph].

Dagiti bakes nga inangkat ni Ari Solomon ket mabalin a maysa a kakikita dagiti atiddog-ipusna a sunggo a sigun kadagiti nagkauna a mannurat, sigud a nagtaud idiay Etiopia. (1Ar 10:22; 2Cr 9:21) Yantangay ti Hebreo a sao a qohph mabalin a nainaig iti Sanskrit a sao a kapi ken yantangay maibilbilang dagiti paboreal kas sigud a nagtaud idiay makin-abagatan a daya nga Asia, nabukel ti konklusion a dagiti bakes ket inyeg ti bunggoy dagiti barko ni Solomon manipud India wenno Sri Lanka. Nupay kasta, dagiti naangkat a banag ket saan a kankanayon a direkta a naggapu iti pagilian a nakaalaanda wenno manipud iti isu met laeng a daga, yantangay adda dagiti pasimudaag nga adda panagnegosio iti nagbaetan ti India ken Africa uray pay sakbay ti tiempo ni Solomon.​—Kitaenyo ti PABOREAL; TARSIS Num. 4.