ARQUIPO

[Turayen ti Kabalio].

Iti surat ni Pablo kadagiti Kristiano a taga Colosas, binagbagaanna ni Arquipo nga agmatalek iti ministerio, ket iti suratna ken Filemon sidudungngo a tinukoyna ni Arquipo kas “padami a soldado.” (Col 4:17; Flm 2) Dagitoy dua a surat, a naisurat idi dandanin agpatingga ti umuna a pannakaibalud ni Pablo idiay Roma (a. 60-61 K.P.), agpada nga ipasimudaagda nga agnanaed idin ni Arquipo idiay Colosas iti Asia Menor wenno iti asidegna.