BEN

[Anak].

1. Musikero a Levita a nangkuyog iti lakasa ti tulag idi naipan idiay Jerusalem idi kaaldawan ni David.​—1Cr 15:15, 18.

2. Ti Hebreo a pangrugian a sao a ben ket masansan nga agparang iti nagnagan a kas iti Benjamin (kaipapananna ti “Anak ti Makannawan nga Ima”) wenno Ben-ammi (kaipapananna ti “Anak dagiti Kailiak [kayatna a sawen, kakabagian]”). Katupagna ti bar iti Aramaiko a nagnagan a kas iti Bernabe (Barnabas) (kaipapananna ti “Anak ti Liwliwa”). (Ara 4:36) Masansan a maar-aramat met dayta a pangdepinar iti dadduma a relasion (saan laeng a ti relasion ti nagannak iti anak) a kas iti puli, “annak ti [benehʹ] Israel,” “annak dagiti Cusita” (2Cr 35:17; Am 9:7); lugar, “annak ti masaksakupan a distrito” (Esd 2:1); wenno kasasaad, “annak ti kinaagtutubo,” “annak ti kinakillo” (Sal 127:4; Os 10:9).