KIDON

Ti nagan ti makinkukua iti pagirikan wenno ti mismo a pagirikan a sadiay ni Uzzah ket kinabil ni Jehova idi naigakat a mayakar ti lakasa ti pammaneknek iti di umiso a pamay-an manipud Kiriat-jearim nga agturong iti Siudad ni David. Agparang a ti pagirikan ket adda iti nagbaetan dagitoy dua a disso ken asideg iti balay ni Obed-edom. (1Cr 13:6-14) Saan nga ammo no sadino ti eksakto nga ayanna. “Nacon” ti mabasa iti kapadana a salaysay iti 2 Samuel 6:6, a mabalin a mangipasimudaag nga inaramat ti maysa a salaysay ti nagan ti disso ti pagirikan, idinto ta ti sabali inaramatna met ti nagan ti makinkukua iti dayta. Kalpasan ti pasamak a nadakamat iti ngato, dayta a disso ket naawagan iti Perez-uzza, a kaipapananna ti “Pungtot Maibusor ken Uzzah.”