EUNICE

[nagtaud iti sao a kaipapananna ti “mangparmek”].

Maysa a manamati a Judia, ti anak ni Loida. Asawa ti maysa a di manamati a Griego ken isu ti ina ni Timoteo. (Ara 16:1) Mabalin a naam-ammo ni apostol Pablo ni Eunice idiay Listra iti Asia Menor idi immuna a panagdaliasatna kas misionero ket kalpasanna, kas resulta ti panangaskasabana, nagbalin a Kristiano ni Eunice ken ti inana a ni Loida. (Ara 14:4-18) Ti pammati ni Eunice ket “awan aniaman a panaginsisingpetna.” (2Ti 1:5) Nupay maysa a pagano ti asawana, mapagulidanan ti panangisuro ni Eunice iti “nasantuan a sursurat” iti anakna a ni Timoteo manipud ‘kinamaladagana,’ ket idi nagbalinen a Kristiano ni Eunice, awan duadua nga insurona ken Timoteo ti Kinakristiano. (2Ti 3:15) Ni Timoteo ket saan nga impakugit dagiti nagannakna gapu ta maysa a Griego ti asawa ni Eunice.​—Ara 16:3.