LOIDA

Apong ni Timoteo ken nabatad nga ina ni Eunice nga inana. Ipasimudaag ti patarus ti Syriac a ni Loida ket saan nga apong ni Timoteo iti ama babaen ti sasao a “ti ina ni inana.” Ni Loida ket kinomendaran ni Pablo, nga imbagana nga isu ket maysa a Kristiano a babai nga addaan iti ‘pammati nga awan panaginsisingpetna.’ (2Ti 1:5) Nalawag a ti pagtaengan ti pamiliada ket idiay Listra. (Ara 16:1, 2) Ipakita ti panamagdilig iti 2 Timoteo 1:5 ken iti 2 Timoteo 3:15, nga agpada da Loida ken Eunice a nangisuro ken Timoteo manipud iti Kasuratan.