HASABNIAS

[mabalin nga, Imbilangnak (Inkabilangannak) ni Jah].

1. Ama ni Hattus, a nangaramid iti panagtarimaan iti pader ti Jerusalem.​—Ne 3:10.

2. Maysa kadagiti walo a Levita nga immawag kadagiti annak ti Israel a bendituenda ni Jehova ken ti nadayag a naganna ket kalpasanna rinepasoda dagiti pannakilangen ti Dios iti Israel sakbay a ti katulagan ti panagipudno, a naaramid bayat ti kinagobernador ni Nehemias, ket napatalgedan babaen iti selio. (Ne 9:5, 38) Kas ipasimudaag ti mabasa iti Syriac a Peshitta, nalabit isu met laeng ti maysa kadagiti Levita nga agnagan Hasabias, kas iti daydiay nadakamat iti Esdras 8:19 wenno iti Nehemias 10:11.