HIEL

[napaababa a porma ti Ahiel, kaipapananna “Ti Kabsatko ket Dios; Kabsat ti Dios”].

Taga Bethel a nangbangon manen iti Jerico bayat ti panagturay ni Acab idi maikasangapulo a siglo K.K.P. Kas kaitungpalan ti sapata nga insawang ni Josue idi nadadael ti Jerico nasurok a 500 a tawen a nasapsapa, idi insaad ni Hiel ti pamuon ti siudad napukawna ti inauna nga anakna a ni Abiram ket idi inkabilna dagiti ruanganna napukawna ti inaudi nga anakna a ni Segub.​—Jos 6:26; 1Ar 16:33, 34.