HOBA

Disso iti “amianan ti Damasco” nga agingga sadiay kinamat ni Abraham dagiti naparukma a buyot iti sidong ni Kedorlaomer. (Ge 14:13-17) Ti sumagmamano nga eskolar innaigda daytoy a lugar iti Biblia iti Hoba, maysa nga ubbog iti dalan iti nagbaetan ti Palmyra ken Damasco, a sadiay agparang a nataginayon uray laeng ti nagkauna a nagan. Kas iti dadduma pay a dadakkel nga ubbog iti asideg ti desierto, mabalin a sigud nga adda maysa a purok a nagsaad iti asideg ti Hoba.