HOFNI

[manipud Egipcio, kaipapananna ti “Bayyek”].

Maysa kadagiti annak ti Nangato a Padi a ni Eli. Ni Hofni ken ti kabsatna a ni Finehas ket “awan kaes-eskanda a lallaki,” nakabasolda iti natabbaaw a kababalin ken nakaro nga imoralidad. (1Sm 1:3; 2:12-17, 22-25) Gapu iti saanna a kinamatalek bayat ti panagserbina kas padi iti santuario ni Jehova, ni Jehova inukomna ni Hofni kas maikari iti ipapatay, ket naipagteng kenkuana daytoy idi tiempo nga innala dagiti Filisteo ti sagrado a Lakasa.​—1Sm 2:34; 4:4, 11, 17; kitaenyo ti FINEHAS Num. 2.