JASOBEAM

[mabalin a, Nagsublin Dagiti Tattao].

1. Maysa a mannakigubat a Korita a kimmappon kadagiti buyot ni David idiay Siclag. (1Cr 12:1, 6) Mabalin nga isu met laeng ti Num. 2.

2. Ti pannakaulo dagiti tallo a nabileg a lallaki ni David a naibilang a naisangsangayan unay. Inaramat ni Jasobeam ti pikana a panglaban iti sumagmamano a gasut kadagiti kabusor ken isu ket maysa met kadagiti tallo a simmarakusok a napan iti pakarso dagiti Filisteo tapno mangala iti danum agpaay ken David manipud iti pagurnongan ti danum ti Betlehem. (1Cr 11:11, 15-19) Idi agangay, nadutokan ni Jasobeam a panguluen ti umuna a binulan a benneg ti 24,000. (1Cr 27:1, 2) Isu ket anak ni Zabdiel; maysa a Hacmonita. Ti ispeling ti naganna ket Joseb-bassebet iti 2 Samuel 23:8.​—Kitaenyo ti JOSEB-BASSEBET.