JEHOZABAD

[nalabit, Ni Jehova Namarabur].

1. Ti maikadua kadagiti walo nga annak ni Obed-edom a karaman kadagiti agay-aywan iti ruangan ti santuario.​—1Cr 26:1, 4, 5, 13, 15.

2. Maysa a Benjamita nga opisial; indauluanna ti 180,000 iti buyot ni Ari Jehosafat.​—2Cr 17:17, 18.

3. Maysa a kakumplot iti panangpapatay ken Ari Jehoas ti Juda. Da Jehozabad ken Jozacar, ad-adipen ni Jehoas, pinapatayda ti ari gapu ta pinatayna ti anak ni Jehoiada a ni Zacarias. Pinapatay ida ni Amazias nga anak ken suno ni Jehoas. Ni Jehozabad ket anak ti maysa a Moabita nga agnagan Simrit ken ni Somer.​—2Ar 12:20, 21; 2Cr 24:20-22, 25-27; 25:1, 3.