JOZACAR

[Linagip ni Jehova].

Maysa nga adipen ni Ari Jehoas ti Juda. Pinapatay ni Jozacar ken ti kaduana a ni Jehozabad ti agturay kadakuada kas panangibales iti ipapatay ni Zacarias ken nalabit ti dadduma pay nga annak ti Nangato a Padi a ni Jehoiada. Nupay kasta, imbales met ni Amazias, ti anak ken suno ni Jehoas, ti pannakatay ni amana babaen ti panangkabilna ken Jozacar ken iti kakumplotna. Ni Jozacar ket anak ni Simeat, maysa a babai nga Ammonita. Naawagan met iti Zabad.​—2Ar 12:20, 21; 2Cr 24:20-22, 25-27; 25:1, 3.