JERUBBESET

[Bay-an a ti Nakababain a Banag Mangaramid iti Legal a Panangikalintegan (Makisupiat)].

Ti nagan ni Ukom Gideon a masarakan iti 2 Samuel 11:21. Nalawag a maysa daytoy a porma ti Jerubaal, ti nagan ni Gideon nga inyawag kenkuana ni amana a Joas idi rinugpo ni Gideon ti altar ni Baal. (Uk 6:30-32) Patien ti sumagmamano nga eskolar a ti nangisurat iti Maikadua a Samuel sinukatanna ti baʹʽal iti Hebreo a sao a maipaay iti “bain” (boʹsheth) tapno saan a mausar ti nagan ti ulbod a dios a ni Baal kas paset ti nagan ti maysa a tao.​—Kitaenyo ti GIDEON.