LICIA

Kabambantayan a rehion iti makin-abagatan a laud nga aplaya ti Asia Menor. Ti Caria ket adda iti amianan a laud ti Licia; adda met ti Frigia ken Pisidia iti amianan; ket adda ti Pamfilia iti amianan a daya. Dagiti bantay iti teritoria ti kadaanan a Licia ket dimmawadaw a turod ti Kabambantayan ti Taurus. Dandani dimmanon dagitoy a turod iti igid ti baybay nangnangruna iti makindaya a kagudua ti rehion. Nadam-eg dagiti ginget a karayan, nangnangruna ti Xanthus (agdama a Koca). Aduan ti mulmula dagiti turod, ket mapagpaaraban kadagiti karnero dagiti darisdis ti bantay.

Ti Patara ken Mira a dua a siudad ti Licia ket espesipiko a nadakamat mainaig kadagiti panagdaliasat ni apostol Pablo. Ngem awan ti nadakamat a nangasaba sadiay.​—Ara 21:1; 27:5.