MEONENIM, DAKKEL A KAYO TI

[Dagidiay Agsalsalamangka].

Kayo a masaripatpatan ti kaadayona manipud Siquem, a dayta ti linabsan ti maysa a bunggoy dagiti buyot ni Ari Abimelec sakbay ti pannakirupakda kadagiti agtagtagikua iti daga ti Siquem. (Uk 9:34-37) Ti Hebreo a sasao nga ʼe·lohnʹ meʽoh·nenimʹ ket naipatarus kas “dakkel a kayo ti Meonenim.” Ti ʼe·lohnʹ ket kadawyan a tumukoy iti dadakkel a kayo, idinto ta ti meʽoh·nenimʹ ket maysa a partisipio (participle) a mangipasimudaag kadagiti tattao nga ‘agsalsalamangka.’ (Kitaenyo ti De 18:14.) Kasta ti naipanagan iti daytoy a kayo agsipud ta mabalin a sadiay ti nagsalsalamangkaan dagiti Canaanita wenno apostata nga Israelita. Kunaen ti dadduma nga eskolar a ti “dakkel a kayo ti Meonenim” ket isu ti “dadakkel a kayo ti More” a nadeskribir met nga adda iti asideg ti Siquem.​—Idiligyo ti Ge 12:6; 35:4; Uk 9:6.