OHOLIBAMA

[Tolda ti Nangato a Disso].

1. Canaanita nga asawa ni Esau. Nangipasngay kenkuana iti tallo nga annak, da Jeus, Jalam, ken Kore, nga aminda ket nagbalin a shik ti Edom. Ni Oholibama ket anak a babai ni Anah ken apoko ti Heveo a ni Zibeon.​—Ge 36:2, 5-8, 14, 18, 25; kitaenyo ti ANAH.

2. Ti awag iti maysa nga Edomita a shik; kunaen ti sumagmamano nga eskolar a dagitoy a nailanad a nagan tumukoyda kadagiti lugar. Ngarud, patienda a rumbeng a mabasa dagita kas, “ti shik ti Oholibama,” ken dadduma pay.​—Ge 36:40, 41; 1Cr 1:51, 52.