PUA

Daytoy a nagan ti mangirepresentar iti dua nga agkaasping a nagan a Hebreo a nagduma ti seksoda ken nagduma ti kaipapananda ngem agpada ti pannakaisuratda iti patarus ti Griego ken Ingles.

1. [iti Heb., Pu·ʼahʹ]. Maikadua nga anak a lalaki ni Isacar.​—1Cr 7:1; kitaenyo ti PUVA.

2. [iti Heb., Pu·ʽahʹ]. Maysa kadagiti dua a Hebreo a mammaltot (kaduana ni Sifra) a binilin ni Faraon a papatayenda ti amin a lallaki a maladaga nga ipasngay dagiti Hebreo. Ngem gapu ta nagbutengda iti Dios, saanda a pinapatay dagiti maladaga a lallaki ket binendisionan ida ni Jehova, iti kasta naaddaanda iti bukod a pamilia.​—Ex 1:15-21.

3. [iti Heb., Pu·ʼahʹ]. Ama ni Ukom Tola ken anak ni Dodo; tribu ni Isacar.​—Uk 10:1.