SILLEM

[nagtaud iti sao a kaipapananna ti “makikappia; subadan; supapakan”].

Maudi a nainaganan kadagiti uppat nga annak ni Neftali a nailista iti “nagnagan ti annak ni Israel a dimteng iti Egipto.” (Ge 46:8, 24) Isu ti nagtaudan ti pamilia dagiti Sillemita iti tribu ni Neftali. (Nu 26:49, 50) Iti 1 Cronicas 7:13, Sallum ti naaramat iti Masoretiko a teksto, nupay Sillem ti masarakan iti pito a Hebreo a manuskrito.