TIFSA

1. Maysa a lugar iti kaamiananan a paset ti pagarian ni Solomon. (1Ar 4:24) Nupay di sigurado, kunaen ti dadduma nga isu dayta ti Dibseh iti Karayan Eufrates, agarup 90 km (56 mi) iti daya nga abagatan-a-daya ti Aleppo ken agarup kasta met laeng ti kaadayona manipud iti nagsabtan dagiti karayan a Eufrates ken Balikh.

2. Maysa a lugar, iti asideg ti Tirza, a kinabil ni Menahem nga ari ti Israel (a. 790-781 K.K.P.). (2Ar 15:16) Saan nga ammo ti eksakto nga ayanna. Ti Khirbet Tafsah, agarup 10 km (6 mi) iti laud nga abagatan-a-laud ti kadaanan a Siquem, ket addaan iti kasta nga umasping a nagan ngem agparang a nakaad-adayo manipud iti naipagarup a disso ti Tirza kas ayan daytoy a Tifsa.