ZABDI

[napaababa a porma ti Zabdiel].

1. Maysa a kaputotan ni Juda iti pamilia dagiti Zeraita; apong ni Acan.​—Jos 7:1, 17, 18.

2. Pannakaulo ti Benjamita a pamilia a nagnaed idiay Jerusalem; anak wenno kaputotan ni Simei.​—1Cr 8:1, 19-21, 28.

3. Opisial ni Ari David kadagiti abasto iti arak iti kaubasan; maysa a Sifmita. Ti sabali pay nga opisial a mangay-aywan kadagiti kaubasan ket ni Simei.​—1Cr 27:27.

4. Maysa a Levita iti annak ni Asaf ken inapo ni Matanias, maysa kadagiti panguluen dagiti musikero kalpasan ti pannakaidestiero. (Ne 11:17) Iti dadduma a teksto, ni Zabdi ket naawagan iti Zicri (1Cr 9:15) ken mabalin a naawagan met iti Zacur.​—1Cr 25:2, 10; Ne 12:35.