ZANOA

[mabalin a nagtaud iti sao a kaipapananna ti “nabangsit”].

1. Maysa a siudad ti Juda nga adda iti Sefela. (Jos 15:20, 33, 34, 36) Karaman daytoy kadagiti siudad a napagnaedan manen kalpasan ti pannakaidestiero idiay Babilonia. (Ne 11:25, 30) Dagiti nagnaed iti daytoy a lugar ket mabalin nga isu dagidiay nangtarimaan iti makin-abagatan a pader ti Jerusalem ken iti Ruangan ti Gingetna. (Ne 3:13) Maikunkuna nga isu ti Khirbet Zanuʽ (Horvat Zanoah), agarup 5 km (3 mi) iti abagatan a daya ti Bet-semes.

2. Maysa a siudad iti kabambantayan a rehion ti Juda. (Jos 15:20, 48, 56, 57) Nalawag a daytoy ti Zanoa a natukoy iti 1 Cronicas 4:18 nga “ama” ni Jecutiel. (Kitaenyo ti JECUTIEL.) Nupay di sigurado, maikunkuna nga isu ti Khirbet Beit Amra, agarup 10 km (6 mi) iti abagatan nga abagatan-a-laud ti Hebron.