Dagiti 1985 a Kumbension Distrito
TINAWENTAWEN dagiti Saksi ni Jehova ti addaan kadagiti pamunganayan a paset ti pammatida nga agserbi kas kadagiti tema dagiti tinawen a kumbension distritoda. Ti dadduma kadagitoy ti “Naballigi a Pammati,” “Naragsak a Trabahador,” “Nadiosan nga Ayat,” “Kinasungdo ti Pagarian,” ken “Panagkaykaysa ti Pagarian.” Ti tema a napili para iti 1985 a kumbension distrito ket maysa met kadagiti pamunganayan a paset ti trabahoda, awan sabali dagiti “Manangsalimetmet iti Kinatarnaw” a Kumbension.
Anian a nagpateg ti panangsalimetmet iti kinatarnaw! Daytat’ nakapatpateg ta ni Jehova inawatna ti karit ti Diablo gapu iti daytoy nga isyu, a sitatalek ni Jehova a kadagiti intelihente a parparsuana ditoy addanto dagidiay a mangsalimetmet ti kinatarnawda, a mangpaneknek a ni Jehova isu ti pudno ket ti Diablo isu ti kababaan, kadadaksan a managulbod.
Ti panangsalimetmet iti kinatarnaw nikaanoman saan a maysa a nalaka, simple a banag nga aramiden. Daytat’ saan a banag a panangsurot iti kinasadut wenno panangaramid iti daydiay gagangay a mapasamak. Agsipud ta pagaammona no ania dagiti banag a nairaman ar-aramiden amin ni Satanas a Diablo ti amin nga adda iti pannakabalinna a mangtungday ti kinatarnaw dagiti ad-adipen ni Jehova. Ket saan laeng a busbusorennatay ni Satanas ken dagiti sairona iti panangsalimetmettay iti kinatarnawtayo no di ket datayo met ti makirupir pay iti dakes a lubongna a mangyeg iti amin a kita ti pakasulisogan ken panangparigat kadatayo. Mainayon pay, addaantay met iti natawid a pagannayasan ti kinadakes a masapul a pagballigian.
Tapno masalimetmetan ti kinatarnaw babaen iti sibaballigi a panangbusor kadagiti tallo a kabkabusor, kasapulantay amin a tulong a mabalin a magun-odantayo. Dagiti “Manangsalimetmet ti Kinatarnaw” a Kumbension ti nairanta a mangted iti kadadakkelan a posible a tulong kadagiti isuamin a mannakipasetna a mangsalimetmet iti kinatarnawda ken Jehova a Dios ken panangpaneknek iti Diablo nga ulbod. Kas kadagiti dadduma a tawtawen ti kumbension, iti kaaduan iti daga, ti mangrugi iti malem ti Huebes ket agpaut iti uppat nga aldaw. Agplano itan a tabunuan amin dagiti uppat nga aldaw, ket umay a sisasagana tapno magunggonaan a naan-anay manipud iti programa agraman pannakiraman kadagiti dadduma pay nga ar-aramid ti kumbension.
Luglugar ti 1985 a “Manangsalimetmet Kinatarnaw” a Kumbension
Disiembre 19-22, 1985:
Manila Quezon City, Metro Manila
Marikina, Metro Manila
Disiembre 26-29, 1985:
Ilagan, Isabela
Binalonan, Pangasinan
Vigan, Ilocos Sur
Masbate, Masbate
Puerto Princesa City
Iloilo City
Tagbilaran City
Ormoc City
Davao City
Pagadian City
Enero 2-5, 1986:
Tuguegarao, Cagayan
Paniqui, Tarlac
Mangaldan, Pangasinan
Baguio City
Iriga City
Bacolod City
Cebu City
Calbayog City
General Santos City
Cagayan de Oro City