Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w89 7/1 p. 15
  • Naimbag a Damag ti Pagarian Manipud Australia

Awan video-na ti napilim.

Pasensiakan, adda problema iti pannakai-load ti video.

  • Naimbag a Damag ti Pagarian Manipud Australia
  • Ti Pagwanawanan Mangibumbunannag iti Pagarian ni Jehova—1989
  • Subtitulo
  • Umasping a Material
  • Dagiti Repuhiado a Vietnamese
  • Maysa a Katutubo Inabrasana ti Kinapudno
  • Naiparparna a Panangdayal ti Telepono
  • Panangawat iti Naimbag a Damag Idiay Belgium
    Ti Pagwanawanan Mangibumbunannag iti Pagarian ni Jehova—1990
  • Nagunggonaan ti Panagsapsapul iti Kinapudno
    Ti Pagwanawanan Mangibumbunannag iti Pagarian ni Jehova—1985
  • “Manipud iti Ngiwat Dagiti Ubbing”
    Ti Pagwanawanan Mangibumbunannag iti Pagarian ni Jehova—1995
  • “Tunggal Kasuratan a Binasana Sinagidna ti Pusok”
    Ti Pagwanawanan Mangibumbunannag iti Pagarian ni Jehova—1991
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—1989
w89 7/1 p. 15

Report dagiti Manangiwaragawag ti Pagarian

Naimbag a Damag ti Pagarian Manipud Australia

KAS kadagiti 211 a dadduma a dagdaga, ti naimbag a damag ti Pagarian ti maiwarwaragawag a sireregta babaen kadagiti Saksi ni Jehova idiay Australia. Tagtagiragsaken dagiti nasurok a 49,000 a Saksi sadiay dagiti nababaknang a bendision. Adu a tattao iti nadumaduma a nasionalidad ti immakar sadiay kadagiti naglabas a tawtawen, gapuna itan 58 nga etniko a kongregasion ti agrepreport ti serbisio iti tay-ak. Makaparegta dagiti kapadasan nga isalsalaysay ti sanga nga opisina ti Watch Tower Society.

Dagiti Repuhiado a Vietnamese

Maysa a Vietnamese a repuhiado, nga agtataeng itan idiay Australia, ti dimmakkel buyogen iti panagdaydayawna kadagiti inapona, ti Confucianismo, ken Buddhismo, agraman iti Makindaya ken Makinlaud a pilosopia. Agingganat’ 1975 isut’ maysa a soldado iti buybuyot ti South Vietnam. Idi 1979 pinutedda ti kannigid a takkiagna gaput’ tumor idiay punguapunguanna. Gaput’ tarigagayna iti wayawaya, nagtalaw manipud Vietnam idi 1983, agraman 24 a dadduma a tattao, babaen iti bassit a barangay. Kalpasan ti nakabutbuteng a pannakaipasangoda kadagiti pirata, naiyan-anud ti barangayda nga awan direksionna idiay South China Sea iti innem a nakapudpudot nga aldaw, agingga a nakagtengda met laeng idiay Malaysia. Kalpasan ti panangbusbosda ti lima a bulan iti kampo dagiti repuhiado, isut’ napalubosan a simrek idiay Australia. Tallo a bulan kamaudiananna isut’ nakaammo iti kinapudno. Dagiti sasao ni Jesus idiay Juan 8:32 ti nangsungbat ti napasnek a panagtartarigagayna iti wayawaya: “Ket maammuanyonto ti kinapudno ket ti kinapudno luk-atannakayto.” Isut’ pinakitaan dagiti kakabsat ti adu nga ayat. Itan isut’ maysan a Saksi ni Jehova ken isut’ instrumento iti panangtultulong kadagiti adu a dadduma a Vietnamese-pagsasaona a tattao a makaammo met ti kinapudno a mangwayawaya iti maysa.

Maysa a Katutubo Inabrasana ti Kinapudno

Idiay umamianan a laud iti Australia maysa nga agtutubo a payunir a kabsat a lalaki ken ti kaduana simmarungkarda iti maysa a Katutubo (Aboriginal) a babai iti lugar ti maysa a tribo a maaw-awagan a kampo. Kalpasan a mangngeganna no apay a simmarungkarda, innala ti babai ti maysa a tulbek a naiyukkor iti tengngedna ken linukatanna ti maysa a dakkel a baul a yero. Iti pannakakellaatda, nakitada idiay uneg a nayon dagiti sumagmamano a sanikuana ti dua kadagiti broshur ti Watch Tower ken maysa a daanen a kopia ti Biblia. Situtugaw iti daga, narugianda ti maysa a panagadal nga inusar ti maysa kadagiti broshur. Nupay ti baket saanen a makabasa wenno makapagsurat, pudno nga impatpategna dagiti broshur a nagun-odanna iti napalabas. Maysa a regular a panagadal ti maidadaulo itan, a pagragragsakanna unay.

Naiparparna a Panangdayal ti Telepono

Idiay siudad ti Sydney, nga addaan populasion a tallo a milion, maysa nga ubing a babai nga agtawen ti tallo ti agayay-ayam iti telepono ket basta nangdayal lattan ti aniaman a numero. Ti numero naiparna a numero ti maysa a Saksi. Maysa a kabsat a babai ti simmungbat, ket idi damo impagarupna a daydiay umaw-awag ket isu ti apokona. Kalpasanna isut’ nakangngeg ti timek ti nataengan. Isut’ ina daydiay bassit nga ubing a babai, a dumawdawat ti panangdispensar gaput’ anakna. Simmaruno ti panagpatpatangda, a kabayatanna nangaskasaban ti kabsat a babai. Kuna ti babai: “Mangin-inanamaak nga umay dagiti Saksi ditoy balayko manen. Kayatko ti agbalin a maysa kadagiti Saksi ni Jehova!” Intuloyna a kinuna a kadagiti dua a bulan pay laeng a napalabas, isut’ bimmisita idiay Peru ket isut’ masdaawan a ti ikitna ken ti pamiliada ket maysadan kadagiti Saksi ni Jehova. Kunana: “Ti annak dagiti kakabagiak babassitda a demonio, ngem itan nagbalindan a babassit nga anghel!” Naiyurnos ti pannakaaramid ti panagadal ti Biblia, ket ti interesado a babai agtultuloy a rumangrang-ay​—amin gapu laeng iti naiparparna nga iyaawag ti bassit nga anakna a babai iti telepono.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share