Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w91 1/1 p. 29
  • Ti Kinapudno ti Biblia Parmekenna ti Tradision

Awan video-na ti napilim.

Pasensiakan, adda problema iti pannakai-load ti video.

  • Ti Kinapudno ti Biblia Parmekenna ti Tradision
  • Ti Pagwanawanan Mangibumbunannag iti Pagarian ni Jehova—1991
  • Subtitulo
  • Umasping a Material
  • Maysa a Barbero Kinorehirna ti Di Umiso a Panagpampanunot
  • Dagiti Narelihiusuan a Tradision ken ti Biblia
    Ti Pagwanawanan Mangibumbunannag iti Pagarian ni Jehova—1988
  • Tradision
    Pannakatarus iti Kasuratan, Tomo 2
  • Agrag-otayo Gapu iti Panagballigina a Kadua ti Kordero
    Ti Pagwanawanan Mangibumbunannag iti Pagarian ni Jehova—2007
  • Ti Biblia wenno Tradision?—Parikut dagiti Napasnek a Katoliko
    Agriingkayo!—1986
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—1991
w91 1/1 p. 29

Report Dagiti Manangiwaragawag ti Pagarian

Ti Kinapudno ti Biblia Parmekenna ti Tradision

TI NARELIHIUSUAN a tradision mabalin a nakaun-uneg ti pannakairamutna. Minilmilion ti mamati a di umiso ti panangbaliw ti relihion ti maysa. Ni Saulo, a nagbalin nga apostol a ni Pablo, nalabit kasta met ti riknana idi, ta kinunana: “Ket naregtaak unay kadagiti ug-ugali ti pammati dagidi ammak [no idilig kadagiti adu a kapatadak].” Ngem idi a naipakitan ti kinapudno, isut’ nagbaliw manipud Judaismo ket nagbalin a Kristiano. (Galacia 1:13-16) Adu itatta ti nakailasinen ti kinapudno a ti Biblia naggapu iti gubuayan a nangatngato ngem iti tradision. Kitaenyo no kasano a ti kinapudno ti Biblia nagballigi idiay Italia.

Maysa a babai ilawlawagna: “Siak ken ti kabsatko a babai ti dimmakkel iti dakkel a pamilia a naigamer unayen kadagiti tradision a Katoliko, ken nakapekpeklankami a Katoliko. Bayat ti panaglabas ti panawen, nakiasawaakon. Kalpasanna natay ni lakayko, ket nagbiagak a biuda iti adu a tawtawen nga agmaymaysa kadua dagiti annakko. Ti kaanakak a babai mangisursuro ti katesismo, ket masansan nga adut’ saludsodna iti padi maipapan iti Biblia, ngem awan makapnek a sungbat a maaw-awatna.

“Bayat ti ibibisitak idiay ilimi, damo a naam-ammok dagiti Saksi ni Jehova ket inawatko ti panagadal ti Biblia. Amin dagiti dati a Katoliko a kakaduak linalaisdak gaput’ panagad-adalko ti Biblia. Ngem, saanak a naupay. Iti damdamona, nagikutakon ti Biblia, ket awan mabalin a mangiyadayo kaniak iti dayta. Ti kabsatko a babai innalana met ti takderna iti dasig ni Jehova, ket iti kurang a dua tawen, dakami a dua ti nabautisaran.

“Nagsangitak idi damo nga umibbetak manipud iti simbaan agsipud ta agamakak a mangpanaw kadagiti tradision a nairamut kaniak iti 76 a tawtawen. Ngem itan siraragsakak a magmagnan iti daldalan ni Jehova ken ar-aramidek ti kabaelak a mangtulong kadagiti dadduma a rummuar iti naespirituan a kinasipnget!”​—Idiligyo ti 1 Pedro 2:9.

Maysa a Barbero Kinorehirna ti Di Umiso a Panagpampanunot

Maysa a barbero idiay Japan kaay-ayona nga isarsarita ti maipapan kadagiti sairo ken UFO’s bayat a pukpukisanna dagiti sukina. Nupay kasta, kalpasan ti panangirugina ti panagadal ti Biblia, nabigbigna no kasano kapeggad daytoy nga aramid. Gapuna awisenna laengen dagiti sukina a makipagadal ti Biblia kenkuana. Isut’ mangaskasaba kadagiti agtutubo a sukina maipapan iti panamarsua. Kada lawas isut’ agpedido kadagiti Biblia ken kopia ti libro a Mabalinyo ti Agbiag nga Agnanayon iti Paraiso a Daga manipud iti Saksi a mangyad-adal kenkuana tapno maipaimana met kadagiti sukina.

Nupay saan pay a Saksi, isut’ nakaipaiman ti nasurok a 30 a Biblia ken ti libro nga Agbiag nga Agnanayon bayat ti umuna a tawen a pannakipagad-adalna. Nasurok a 25 a tattao ti nangrugi a makipagad-adal ti Biblia kas resulta ti di pormal a panangaskasabana. No maminsan dumanon inggat’ sangapulo dagiti makiraman ti ingrupo a panagadalna ti Biblia. Itan pito kadagidiay kinaskasabaanna bayat a kurkurtaranna ida nakorehiren ti di umiso a panagpampanunotda ket nabautisarandan a kas Saksi ni Jehova!

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share