Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w91 5/1 p. 24
  • Ipaay ni Jehova ti Material a Tulong

Awan video-na ti napilim.

Pasensiakan, adda problema iti pannakai-load ti video.

  • Ipaay ni Jehova ti Material a Tulong
  • Ti Pagwanawanan Mangibumbunannag iti Pagarian ni Jehova—1991
  • Umasping a Material
  • Agtitimpuyog a Rumang-ay iti Ayat
    Dagiti Saksi ni Jehova​—Manangiwaragawag iti Pagarian ti Dios
  • Pakaidayawan ni Jehova ti Trabaho a Panagsaranay
    Agturturayen ti Pagarian ti Dios!
  • No Saan nga Agtudo
    Agriingkayo!—1999
  • Panangipaay iti Tulong Kadagiti Nadidigra
    Ti Pakaus-usaran Dagiti Donasionyo
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—1991
w91 5/1 p. 24

Report Dagiti Manangiwaragawag ti Pagarian

Ipaay ni Jehova ti Material a Tulong

ITI nabiit pay, dagiti Saksi ni Jehova idiay Sud Africa nakaawatda ti damag maipapan ti nakakaasi a nagbanagan dagiti naespirituan a kakabsatda iti asideg a pagilian a sadiay ti trabahoda a panangaskasaba ket naparitan. Naipadamag kadakuada nga agsipud iti nakaro a tikag, agbibiag dagiti kakabsatda babaen pannangan kadagiti sumagmamano a kita ti ruot. Agkurangda met ti umiso a pagan-anay, a namagkedked kadagiti dadduma a Saksi a makiraman iti tay-ak ti ministerio.

Simmungbat a madagdagus dagiti kakabsat idiay Sud Africa. Maysa nga awag ti naipakaammo kadagiti lokal a kongregasion idiay lugar ti Johannesburg maipapan ti panagkasapulan ti kawes. Iti las-ud dagiti al-aldaw, tallo a tonelada a kawkawes ti naidonar. Kalpasanna pinaglalasinlasin dagiti boluntario a trabahador dagiti bambanag. Naaramid dagiti urnos ti panangipatulod ti 3 a tonelada a bukbukel, 1 a tonelada a manteka, 1 a tonelada a sabon, ken 17 a tonelada a pagtaraon a mais. Idi a ti kompania a nangipaay ti pagtaraon a mais nangngegna ti nagbanagan dagiti Saksi idiay natikag a daga, nangidonarda ti nasurok a maysa a tonelada iti daytoy kasapulan unay a taraon.

Iti Lunes, Abril 16, 1990, maysa a bagon nga addaan karga a 25-tonelada dagiti probision ti material a tulong pinanawanna ti Sud Africa a napan iti 5,500-kilometro a panagbiahe. Ngem itan kasapulan a magun-odan ti pammalubos manipud kadagiti autoridad tapno maidanon dagiti suplay idiay natatek-gubat a pagilianda.

Kinuna dagiti autoridad idiay konsulado a nupay di mabigbigbig dagiti Saksi ni Jehova idiay pagilianda, sipapanunotda a naimbag iti kaaddada. Awanto ti panangipawil iti pannakaitulod dagiti suplay ti material a tulong kadagiti kakabsattayo. Naited ti pammalubos. Naiyawat dagiti nasken a dokumento, ket iti Biernes, Abril 20, binallasiw dagiti Saksi ti pagbeddengan nga awan problema. Uray pay kasta, nakasabatda ti nasurok a 30 a barikada, a sadiay masansan a nakalikaguman ti panangipakitada kadagiti dokumentoda. Idi laeng a nabigbigda no kasano kapateg dagidiay a dokumento.

Kalpasan panangbiaheda ti agarup 140 a kilometro nga agturong iti pagilian, ti panagabanteda napasardeng babaen ti maysa a dakkel a karayan a malaylayus. Ti dati a rangtay ket nadadaelen, ket ti temporario a rangtay di maibagay nga usaren ti dakkel a bagon. Nupay kasta, nasarakanda a dagiti babbabassit a lugan a kumuykuyog iti kumboy makaballasiwda a sitatalged iti nailayus a rangtay. Naikeddeng ti panaggudua iti dua a partido. Naipasdek ti maysa a kampo agpaay ti maysa a partido idiay nalayus a karayan, bayat a ti sabali a partido agtultuloy iti dalanda a sumabat kadagiti kakabsatda agarup 260 a kilometro ti kaadayona pay iti amianan. Anian a ragsakda iti kamaudianan a makakita kadagiti kakabsatda! Dida maisardeng ti umisem, panagiinnarakup, ken panagiinnalamano. Din nagbayag dua a bagon ti addan iti dalanda a sumabat iti sabali pay a grupo dagiti kakabsat nga agur-uray iti asideg ti karayan. Sadiay, dagiti suplay ti material a tulong naiyakarda manipud ti dakkel a bagon iti dua a babbabassit.

Dagiti damag a naawat ipakitada ti nauneg a panagyaman iti probision ti material a tulong ni Jehova. Kaskasdi, agpapan pay ti pisikal a napagtengda, ad-adda pay a nakarkaro ti awag dagiti kakabsat iti naespirituan a taraon. Maymaysa laeng a Pagwanawanan ti mabasbasa ti maysa a kongregasion, ket kasapulan a kopiaen dayta para ti tunggal pamilia. Pagyamanan ken Jehova, maar-aramid itan dagiti urnos ti panangipaay ti agtultuloy a naespirituan a taraon kadagiti kakabsat iti dayta a pagilian.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share