Teokratiko a Damdamag

◆ Nagreport ti Cote d’Ivoire iti maika-12 a nagsasaruno a peak babaen iti 3,465 nga agibumbunannag. Dagiti kakabsat sadiay ti timmulong met kadagiti nagkamang a kakabsat manipud Liberia gapu iti pakarigatanda sadiay nga isut’ sagsagabaen daytoy paggugubatan a pagilian.

◆ Ti baro ita a peak iti Japan isut’ 148,452 nga agibumbunannag. Adda 3,582 a baro a regular payunir a nagpalista idi Setiembre. Kabayatan ti Setiembre adda 165 a klase iti pagadalan dagiti payunir ti naaramid, ket 3,920 a payunir iti naragsakan iti daytoy a kurso.

◆ Inreport ti Kenya iti baro a peak a 5,610 nga agibumbunannag. Ti serye iti espesial nga aldaw ti asamblea isut’ nagngudo babaen iti napagtipon a timmabuno a 11,027 agraman 172 a nabautisaran.

◆ Nagreport ti Lesotho iti baro a peak a 1,347 nga agibumbunannag. Nakapromedio dagiti agibumbunannag ti kongregasion iti 13.1 nga oras iti tunggal maysa idiay tay-ak ti serbisio.

◆ Ti Mauritius isut’ nagreport iti baro a peak a 907 nga agibumbunannag.

◆ Impadamag ti Nigeria iti baro a peak a 146,703 nga agibumbunannag, a daytoy ket 4,600 ti nginatuanna iti napalabas a kangatuanda.

◆ Naaddaan ti Réunion iti baro a peak a 1,854 nga agibumbunannag iti maysa a bulan a napalabas. Ti kombensionda ket natabunuan iti 3,591, ken 114 ti nabautisaran.

◆ Nagreport ti St. Vincent iti baro a peak a 208 nga agibumbunannag, maysa a 14-porsiento a panagrang-ay. Nakapromedio dagiti agibumbunannag ti kongregasion iti 14.2 nga oras iti serbisio.