Saludsod
● Kasanot’ kasansan a dagiti estudiante ket maaddaanda ti paset iti Teokratiko a Pagadalan iti Ministerio?
Maysa kadagiti kangrunaan a panggep iti Teokratiko a Pagadalan iti Ministerio isut’ panangpatanor kadagiti pumapalawag iti publiko. Gapu iti dayta a rason, kaaduan kadagiti naiyiskediol a palawag ti maidutok kadagiti kakabsat a lallaki.
Nupay kasta, ti sabali a napateg a panggep isut’ panangsanay kadagiti amin nga agbalin nga epektibo a mangaskasaba ken manangisuro iti ministerio. Iti daytoy a rason, maiparbeng unay kadagiti kakabsat a babbai nga agpalistada met.
Tapno magunggonaanda a naan-anay iti pagadalan, maisingasing a dagidiay nagpalista ket masapul a maikkanda ti paset iti kada tallo a bulan. No palubosan iti lokal a sirkumstansia, dagiti kakabsat a lallaki ti maikkan kadagiti kanayonan a paset. Saan a kasapulan a dagiti panglakayen a regular a mangted kadagiti pangisuro a palawag ken dagiti lawag ti Biblia ket maikkanda pay iti palawag dagiti estudiante.
Iti agarupen a kagudua ti maysa a siglo, ti Teokratiko a Pagadalan iti Ministerio ket natulonganna dagiti minilion a nagprogreso iti espiritual ken nakaadal no kasano a maiyebkasda iti bagbagida a nasaysayaat iti panangiparang ti naimbag a damag. Maparegta dagiti amin nga usarenda a naan-anay daytoy a nakaskasdaaw a parabor a nagtaud ken Jehova a Dios. Ti gandattayo isu ti panangiparang iti bagbagitayo a maanamongan ti Dios, kas trabahador nga “awan ti ibainna, nga aramaten iti sao ti kinapudno iti umiso.”—2 Tim. 2:15.