Urnos iti Panagadal ti Libro iti Kongregasion
Paset 3: Sentro iti Tay-ak ti Ministerio
1 Mainayon a kas lugar a maipaay iti panagdal ti grupo, daytoy naglugaran iti Panagadal ti Libro iti Kongregasion ket mabalin met nga agserbi a kas disso ti taripnong a maipaay iti serbisio ti tay-ak. Ti oras dagita a taripnong isut’ masapul a kombeniente iti kaaduan nga agibumbunannag, ket dagiti taripnong ti mangitukon iti praktikal a tulong a mangurnos iti agibumbunannag a rummuar idiay tay-ak ti serbisio.
2 Dagiti grupo nga umiso ti pannakaurnos iti adal ken serbisio ket pabilgenda ti espiritualidad. Siasino ti saan a nagunggonaan iti pammaregta wenno singasing a mangparukma kadagiti pangontra, no kasano a mairugi iti saritaan, no kasano a maitukon iti panagadal ti Biblia, wenno no ania ti sawen iti sarungkar? Ti taripnong dagiti agibumbunannag ken payunir iti lugar ti pagadalan iti libro isut’ mangted kadagita a tulong.—Gal. 6:9, 10.
3 Rebbengen ti Konduktor: Ti konduktor iti Panagadal ti Libro iti Kongregasion isut’ mangidaulo ken makinrebbeng a mangurnos iti trabaho ti grupo. Masapul a regular a makipagtrabaho kadagiti agibumbunannag iti tay-ak. (1 Ped. 5:2, 3) Gagangay a kaykayat iti kada grupo ti panagadal iti maaddaan ti bukodda a taripnong a maipaay iti tay-ak ti serbisio imbes nga amin a grupo ket agkaykaysada iti maysa a lugar. Nupay kasta, dagiti dua a babassit a grupo ti mabalin a mapagtipon no kasapulan. No ti panagserbi iti tay-ak ket sumaruno iti panagadal ti Pagwanawanan, ti taripnong sakbay iti panagserbi idiay tay-ak ti masapul nga ababa laeng.
4 No dagiti taripnong sakbay ti panangasaba ket maaramid iti tiempo ken lugar a nakaiskediol, agplano a naimbag dagiti agibumbunannag, idinto ta ammoda nga adda maala a teritoria ken adda makakuyog a mangasaba. (Maidilig iti Lucas 10:1.) Agpapan pay awan ti konduktor iti panagadal, kaskasdi a mangted iti teritoria ken urnos a maipaay iti grupo. (om pp. 44-5) No awan ti makabael a kabsat a lalaki a makaidaulo iti taripnong sakbay ti serbisio, mabalin a mangdutok ti konduktor iti maysa a kabsat a babai a mangaramid iti daytoy. (om pp. 77-8) Maliklikan ti pannakatikaw no dagiti grupo ket agsasabetda a regular iti sigud nga oras ken lugar iti serbisio. No adda temporario a panagbaliw iti daytoy isut’ maiyanunsio a nasakbay iti maysa a lawas no mabalin.
5 Kasapulan ti Kooperasion: Ikagumaan dagiti amin ti makiraman iti nagduduma a paset ti serbisio iti ministerio. Mabalin a makasagana a sangsangkamaysa dagiti agibumbunannag babaen iti sesion ti panaginsayo, a mausar dagiti pangontra a masansan a tumanor iti lokal a teritoria.—Prov. 27:17.
6 Kayatyo kadi a maysa a nasanay nga agibumbunannag ti tumulong kadakayo nga agbalin a lalo pay a nasigo iti panagaramid ti disipulo a trabaho? No kasta, makisaokayo iti konduktor ti Panagadal iti Libro ti Kongregasion. Mabalinna a maiyurnos iti maysa a makabael nga agibumbunannag a bumadang kadakayo. Tapno magunggonaankayo, siaalibtak nga iyaplikaryo dagiti singasing ken salimetmetanyo dagiti maaramid a tulagan.
7 Dagidiay matudingan babaen iti konduktor ti panagadal iti libro a tumulong ti masapul a naparbeng kadagiti namnamaenda. Ipakita iti kapadasan a dagidiay positibo ken natimbang iti panangmatmatda iti serbisio ti tay-ak isudat’ kasayaatan a makasanay iti dadduma. Kanayon koma a maited iti komendasion no adda maaramid a progreso. Iti kasta maitaning manen dagiti dadduma pay a kalat.—Maidilig iti Lucas 19:17-19.
8 Kayattayo ti agtitinnulong iti maysa ken maysa nga agipektibo iti panangikasaba ti naimbag a damag ken panagaramid iti adalan. Ti dumegdeg a kasasaad daytoy lubong isut’ pammatalged a naganat unay daytoy a trabaho. Ramanenna daytoy iti biag, ket papardasen ni Jehova ti panangurnong. (Isa. 60:22) Bayat a sipapanunottayo iti ministerio a naited kadatayo, makipagtrabahotayo a nasinged iti grupo ti Panagadal iti Libro ti Kongregasion a mangibanag a naan-anay iti nakatudingantayo bayat nga agpipinnabileg ken agpipinnaregtatayo iti maysa ken maysa.—Roma 12:6-8; 2 Tim. 4:1, 2, 5.