Panangiparang ti Naimbag a Damag—Panangiparang ti Naimbag a Damag—Panangirugi iti Panagadal Babaen ti Diretso nga Idudupag
1 Imbilin ni Jesus kadatayo ti “panagaramid iti disipulo.” (Mat. 28:19) Tapno maibanag daytoy masansan a kasapulan a maipasdek iti panagadal ti Biblia kadagiti interesado a tattao. Ti panangusar iti diretso nga idudupag a mairugi ti panagadal iti Biblia iti panagbalaybalay a ministerio isut’ tumulong kadatayo a mangitungpal iti daytoy a sidadaras.
2 Ania ti mabalintayo a sawen a maipaay iti diretso nga iyaasideg tapno mairugi ti panagadal iti Biblia? Ti kalakaan nga iyaasideg isut’ kasayaatan. Mabalintayo a kunaen: “Interesadoak a tumulong kadagiti tattao a makaawat iti Biblia ket ragsakek a maadal daytoy a kaduakayo ken ti pamiliayo ditoy mismo a balayyo ket awan iti bayad wenno obligasionyo. Mabalin nga usaren iti Bibliayo a mismo. Ngem no awanankayo, mabalinkayo nga iyalaan.”
3 Mabalin a kastoy ti sabali pay nga idudupag: “Ti panggepko a simmarungkar ita isut’ panangidagadag iti panagadal ti Biblia iti pagtaengan, nga isut’ tumulong kadakayo a mangawat no sadino ti turturongen daytoy lubong ken no ania iti insagana ti Dios nga agpaay kadatayo. Ragsakek unay nga ipakita kadakayo no kasano ti pannakagun-odyo iti kasayaatan manipud iti Bibliayo. Awan ti bayad wenno obligasion iti biangyo.” No umanamong ti bumalay, mabalinyo nga usaren daydiay tract a Biag iti Maysa a Natalna a Baro a Lubong wenno ti Adtoy! a broshur a mangrugi iti panid 3, parapo 1. Dagiti panglukat a pinanid daytoy a broshur ti mangilawlawag iti kari ni Jehova a mangisubli ti Paraiso.
4 Usaren Dagiti Tract ti Biblia: Masarakan dagiti adu a dagiti tract ket makatulongda iti diretso nga idudupag. No sumabat ti bumalay iti ruangan, itedyo kenkuana iti tract a Biag iti Maysa a Natalna a Baro a Lubong a silulukat tapno makitana a dagus iti kompleto nga ilustrasion. Adda koma sabali a tract iti imayo, ket basaen wenno binsabinsaenyo dagiti saludsod iti umuna a dua a parapo. Malawagan dagiti sungbat, ken mabasa iti maysa wenno dua a suportar a kasuratan. Kalpasanna maiyurnos ti panagsarungkar. Mailawlawag iti ababa maipapan ti libre a programatayo a panagadal ti Biblia iti pagtaengan, wenno maiyurnos lattan ti panagsubli tapno mausig iti kanayonan a punto manipud ti tract.
5 No mapagtunosan ti isasarungkar, nasayaat no madakamat iti maysa a banag a marikna a paginteresan ti bumalay. Mabalin a maaramid daytoy babaen iti porma a saludsod. Mangted daytoy iti bumalay a kumita iti sumaruno a bisita inton masungbatan dayta a saludsod.
6 Gapuna a gundawayan iti kada oportunidad a mairugi dagiti panagadal ken makiraman iti trabaho a “panagaramid iti disipulo.”—Mat. 24:14; 28:19, 20; Mar. 13:10.