Teokratiko a Damdamag

Ghana: Ti pannakaiparit ti trabahotayo iti daytoy a pagilian ket naikkaten. Agrag-o dagiti kakabsat a dagiti Kingdom Hallda ket nalukatan manen ken napalubosandan nga agaplikar iti legal a pannakairehistro.

Liberia: Kalpasan ti adu a bulan a panagserrada gapu iti sibil a gubat, ti sanga idiay Liberia ket naglukat manen. Uppat a misionero dagiti nagsublin tapno agserbida idiay sanga, ket maragsakan dagiti kakabsat ta siwayawayada manen nga agtataripnong iti maysa ken maysa.