Panagsubli nga Addaan Kalat a Mangirugi iti Panagadal ti Biblia
1 Kalpasan iti damo a pannakasarak iti interesado a tao, masapul a biagen daytoy nga interes. Ti panagsarungkar isut’ nalabit a mangiturong iti panagadal ti Biblia. Usigentayo dagitoy singasing iti panagaramid ti epektibo a sarungkar.
Iti ngudo ti damo a sarungkar, mabalinyo nga isaad iti pamuon ti panagsarungkar babaen iti panangisaludsod:
◼ “Kaano a pagpatinggaen ti Dios iti panagsagaba?” Inton agsublikayo mabalinyo a kunaen: “Idi napalabas a kaaddak ditoy, napataud ti saludsod no kaano a pagpatinggaen ti Dios iti panagsagaba. Idiay Creation a libro a naibatik kadakayo adda nalawag a sungbatna idiay panid 223. [Basaen dagiti parapo 20, 21.] Kalpasanna ditoy pinanid 224 ken 225 adda dagiti ebidensia nga agbibiagtayon iti tiempo a ti Dios ket agtignayen a mamagpatingga iti panagsagaba.” Mairugin iti panagadal ti Biblia.
2 Panangilasin Kadagidiay Pudno a Sumursurot iti Biblia: Tapno ti Dios ket adda iti maysa a relihion, masapul nga agpataud iti nasayaat a bunga.
Kas pangirugi iti sarungkar, maisaludsodyo:
◼ “Kasano nga apektaran ti relihion iti kondukta ti tao? No ania ti nakuna ni Kristo Jesus idiay Mateo 7:17-20 mangted iti giya no ania ti manamnama a suroten iti pudno a relihion. [Basaen.] Bayat a minilion dagiti agkuna a mamatida iti Dios, adu ti mangilibak kenkuana babaen iti aramidda. Ania a kita ti aramid iti mangipabigbig kadagidiay agbibiag a maitunos iti Biblia? Ti Creation a libro, iti pinanid 229 aginggat’ 231, mangted iti tallo a nalaka a pagilasinan.” Luktan ti libro ken dakamaten iti ababa dagiti tallo a puntos a naibasar iti Isaias 2:2-4, Juan 13:34, 35, ken Mateo 24:14. Kalpasanna maitukon ti panagsubli iti sumaruno a lawas tapno mausig pay daytoy a detaliado.
3 Ania ti ipanamnama iti masakbayan kadagidiay sumapul ti pudno a Dios?: Ti diskusion iti daytoy a saludsod manipud iti Creation a libro isut’ mangiturong iti panagadal ti Biblia.
Kas pangirugi ti saritaan, mabalin a maikuna:
◼ “Gapu iti kasasaad ti ekonomia wenno panagbiag ita, adu a tattao ti maseknan maipapan iti masakbayan. Palubosandak a mangiranud kadakayo iti kari ti Dios iti Isaias 65:21, 22, 25. [Basaen.] Ti Creation a libro sungbatanna iti dadduma a makapainteres a saludsod maipapan daytoy, a mangrugi iti parapo 10 idiay panid 238.” Maidemostra ti urnos iti panagadal ti Biblia, a mausar dagiti parapo 10-12. “Inton sumaruno a lawas kayatko a mausig pay iti ad-adu kadagitoy a kari ti Biblia, a mangrugi iti parapo 13.”
4 Ti panagsarungkar nga addaan kalat a mangirugi iti panagadal ti Biblia ket kaipapananna iti agnanayon a biag kadagidiay a kasabaantayo.