Ti Karit a Mangaramid iti Panagsarungkar
1 Kas ministro iti naimbag a damag, nabilintayo nga agaramid kadagiti disipulo. (Mat. 28:19, 20) Ramanenna daytoy iti panagsarungkar. Ti panagbalin a nalaing iti panagsarungkar isut’ maysa a makaparegta a karit.—Prov. 22:29.
2 Tunggal dedikado a Kristiano masapul a riknaenna koma ti responsabilidad a makiraman iti trabaho a panagaramid ti disipulo. Mabalin a kasapulanna daytoy ti panangisakripisio iti personal a nam-ay tapno mairanudtayo ti namnama iti Pagarian kadagiti dadduma.
3 Sarunuen Dagiti Amin nga Interes: Masapul a maaramid ti panagsarungkar iti amin a nangiyebkas ti interes iti damag ti Pagarian, nupay nagkedkedda a nangala iti publikasiontayo. Impakita ni Jesus ken dagiti apostolna no kasano a masukay ti interes iti damag ti Pagarian babaen ti panangiramanda kadagiti tattao iti Nainkasuratan a diskusion.—Mar. 10:21; Ara. 2:37-41.
4 Ti panggeptayo a sumarungkar isut’ masapul a panangirugi iti panagadal ti Biblia. Mabalintayo nga idemostra iti bumalay no kasano a maidulo iti panagadal ti Biblia. Masiguroyo a sungbatan ni Jehova iti kararagyo a maipaay ti tulong a mangsarak iti nasingpet ti panagpuspusoda a tattao tapno masuruanda. Apay a dikay sapulen iti tulong ni Jehova ken aramidenyo a kalat ti mangirugi iti panagadal ti Biblia?
5 Usarenyo a Naimbag Dagiti Tract: Dagiti tract ti mabalin a mausar nga epektibo a pangirugi iti panagadal ti Biblia. Adu dagiti nakabael a nangirugi ti saritaan babaen laeng iti nalaka a diskusion manipud ti parupa a ladawanda. Saggaysaenyo a basaen dagiti parapo a kadua ti bumalay. No adda maisaludsod, sumardengkayo ken awisenyo ti bumalay nga agsao wenno sumungbat. Kitaenyo dagiti kasuratan ken ipakita no kasano ti panagaplikarda. Ti saritaan isut’ maiturong iti publikasion a maidaulo a maadal.
6 Usaren iti Panakirinnason a Libro: Dagiti epektibo a panagsarungkar ti mabalin a maaramid babaen iti Panakirinnason a libro. Ti panangrepaso kadagiti prinsipal a suheto wenno ti indese isut’ tumulong kadakayo a pumili kadagiti puntos a pagsaritaan. Ti benneg a “Dagiti Kasuratan a Masansan a Di Umisot’ Pannakaiyaplikarna” ti mabalin a mausar a pangsango kadagiti tumaud a pangontra. Ipakita ti report dagiti payunir a naballigi iti panangirugida ti panagadal iti Biblia babaen ti panangusarda iti Panakirinnason a libro idiay panid 378 ti baba iti “Kasano a makagteng dagiti Saksi ni Jehova iti kasta a panangilawlawagda iti Biblia?” Ipakitada iti interesado a tao no kasano a ti Biblia ket ipaayna iti mismo a panangilawlawagna. Agresulta daytoy iti pannakairugi ti adu a panagadal iti Biblia.
7 Kas ken ni Jesus ken dagiti apostol, masapultayto nga idemostra ti napudno nga interes kadagiti karnero ni Jehova. (Luc. 9:11; 2 Cor. 2:17) No ilugartayo ti dakdakkel a panangigunamgunam iti pannangted ti bagbagitayo a maipaay iti espiritual a pagimbagan dagiti dadduma, mabalintayo a sabten ti karit a mangaramid iti panagsarungkar.