Panagbiag a Buyogen iti Nalimbong a Panunot ken Kinalinteg
1 Agbibiagtayo iti lubong a nabileg unay ti impluensiana iti kinadakes. Dagiti pagalagadan daytoy a sistema ket agtultuloy nga agrakaya. (2 Tim. 3:3) Kas Kristiano, masapul nga agtakdertayo a maipaay iti daydiay umiso ken maawatan no apay nga ituloytayo nga aramiden dayta. Ngem ania a turong ken giya iti adda kadatayo? Ania a pagalagadan ti surotentayo? Ti “Panagbiag a Buyogen iti Nalimbong a Panunot ken Kinalinteg” isut’ makaparegta a napili a tema inton espesial nga aldaw ti asamblea a programa iti 1993.—Tito 2:12.
2 Babaen dagiti palawag, demostrasion, ken kapadasan, maadaltayo no kasano a mapabileg ti bagbagitayo a sumaranget iti kinadakes ken mangrupir ti nailubongan a gartem. Makitatayo met no kasano a posible ti agbiag a nalimbong iti panunot ken ti kinalinteg iti tengnga daytoy dakes a sistema. Maiwayat dagiti parabor a tumulong kadatayo a mangsaluad iti mental a bilegtayo. (1 Ped. 4:7) Dagiti nagannak ken agtutubo ti nangruna nga agmayat a mangasikaso kadagiti palawag ken panagsaludsod iti programa ti malem. Dagitoy ti mangipaganetget iti panagkasapulan a gumun-od ti nadiosan a sirib ken kapadasan ken agtrabaho a sangsangkamaysa a mamabileg iti naragsak a teokratiko a masanguanan.
3 Nupay nalawlawtayo iti maysa a dakes a lubong, inwardas iti Sao ti Dios iti kasayaatan a kurso a surotentayo. Dagiti gunggona ti panangipangag iti pammagbaga ti Biblia isut’ mailawlawag iti palawag a “Salimetmetan Dagiti Bendisionyo iti Tengnga ti Awan Ragsakna a Lubong.” Bayat nga agsaganatayo a tumabuno, kayattayo a salimetmetan iti panunot a ti panagimdeng iti programa ken iyaplikar dagiti pammagbaga isut’ mamagbalin kadatayo a mas epektibo iti serbisiotayo ken Jehova.—Fil. 3:15, 16.