Panangusar ti Agbiag nga Agnanayon a Libro iti Panagsarungkar
1 Inyasping ni apostol Pablo dagidiay nangipakita iti interes ti kinapudno a kas naganus a mula, a kasapulanna iti regular a sibug ken panangsukay. (1 Cor. 3:6-9) Kasta met ita, dagiti interesado a tattao ket agkasapulanda iti naannad a taripato nga ipaay no agsarungkar ken rukitentayo iti espiritual a panagdakkelda.
2 Tunggal maysa a masansan a sarungkarantayo ti masapul a tulongan a manglagip kadagiti puntos a napagsaritaan iti napalabas a bisita. Gapuna a tunggal sarungkar nasayaat no marepaso ti apagbiit dagiti nalawaganyo iti napalabas a tiempo.
3 Iti panagsarungkaryo, naipaima wenno saan ti “Agbiag nga Agnanayon” a libro, nalabit a kayatyo nga usaren daytoy diretso nga idudupag a mangirugi iti panagadal:
◼ “Adu a tattao a nakasaomi ti nakasarak iti sungbat dagiti saludsodda manipud Biblia babaen ti panangusar iti daytoy a libro.” Kalpasan a maiturong iti benneg dagiti linaonna, mabalinyo nga isaludsod: “Ania a suheto ditoy ti makapainteres kadakayo?” Iturongyo idiay kapitulo a paginteresanna ken ipakitayo iti bumalay no kasano a tunggal parapo ket nanumeruan ken adda katupagna a saludsod idiay baba ti panid. Kobrianyo ti sumagmamano laeng a puntos ken maaramid iti depinido nga urnos a sarungkaran manen.
4 Mabalin a kastoy ti sabali nga iyaasideg:
◼ “Pudno a maragsakanak unay iti diskusiontayo idi napan a lawas. Adu a tattao ti maseknan no apay nga agkara-sarungkarkami iti pagtaenganda. Pagarupek a ti komento iti panid 29 daytoy a libro ti makapainteres kadakayo. [Basaen ti parapo 11 manipud iti Agbiag nga Agnanayon a libro.] Maibasar iti nakunana ditoy, ania ti kasapulan tapno maawat iti panagdayawtayo ti Dios? [Palubosan a sumungbat.] Idi aldaw ni Jesus, adda idi dagiti mangipagarup a ti relihionda ket awaten iti Dios. Siputanyo no ania ti nakuna maipapan kadakuada iti parapo 2 daytoy a kapitulo.”
5 No sarunuen iti naipaima nga “Agbiag nga Agnanayon” a libro, mabalinyo a kunaen:
◼ “Idi simmarungkarak iti napalabas, napagsaritaantayo ti kasasaad daytoy lubong a masapul a mabaliwan. Naisaludsodyon aya no apay a pinalubosan ti Dios iti kinadakes?” Palubosan a sumungbat ken maiturong iti panid 99, parapo 2, a masitar dagiti saludsod ti panagadal. Basaen ken malawagan ti parapo, a sukimaten dagiti kasuratan. Manayonanyo daytoy babaen ti panagturongyo kadagiti ilustrasion iti libro, kas ehemplo, kadagiti pinanid 78, 84-5, 119, 147, 147, 149-53, ken 156-8.
6 Kadagidiay Nabatian ti Tract: No dadduma adda maysa a tract a naibati iti umuna nga ipapan. No agsarungkarkayo, lawlawaganyo ti maysa wenno dua a parapo manipud iti tract agraman dagiti naisitar a kasuratan. Kalpasanna maipakita no kasano a dagiti kasuratan ket nailawlawagda a detaliado idiay Agbiag nga Agnanayon a libro.
7 Bayat a matalektayo a mangtaripato iti pannakasibug ti naganus a mula iti Kristiano a pammati a naitalek kadatayo, ti Dios a mismo iti mangpadakkel a maipaay ti dayaw ken dayagna.—1 Cor. 3:7.