Makaserbikayo Aya ken Jehova kas Maysa a Payunir?
1 Iti maysa kadagiti “Manangawit iti Lawag” a Kombension ti Distrito, maysa nga ispiker iti nangisaludsod: “Mabalinanyo ti agpayunir? Agpayunirkayo kadi?” Nakunana a maiparbeng dagitoy a saludsod agsipud ta asideg unayen iti Armagedon, ket daytoy aramidenna ti panangasaba a trabaho a nagangganat ngem iti napalabas.—1 Cor. 7:29a.
2 Saan a mailibak a ti panagpayunir ket narigat a trabaho. Kasapulanna ti disiplina iti bagi ken naimbag nga organisasion. Kaskasdi, ti bannogtayo iti ministerio ket “saan a barengbareng.” (1 Cor. 15:58) Makuna met aya ti kasta iti dadduma nga aktibidades a pangibusan ti tiempo ken pigsa? Ti ayat ken Jehova isut’ mangiduron kadagiti Kristiano nga agregta iti serbisio, ket daytoy ti mangituggod iti adu a sumrek ti payunir a trabaho.—1 Juan 5:3; Apoc. 4:11.
3 Adu dagiti agtutubo nga adipen ni Jehova ti agraduarton iti haiskol ti agpampanunot a serioso iti panagpayunir. Naan-anay nga umiso dayta. Ania pay kadi a karera iti napatpateg ngem ti amin a tiempo a ministerio?—Mat. 6:33; 24:24.
4 Dakayo kadi a nagannak ket parparegtaenyo dagiti annakyo a mangala iti amin a tiempo a serbisio? Maawatan aya dagiti annakyo a sibabatad a kayatyo nga usarenda ti amin a puso, kararua, panunot, ken bilegda iti daytoy adda kaeskanna a trabaho? (Mar. 12:30) Adu dagiti agtutubo nga agibumbunannag ti mangisagsagana iti bagbagida a maipaay ti regular payunir a trabaho babaen iti pannakiramanda ti auxiliary payunir a serbisio iti kada oportunidad bayat ti tawtawen iti panagadalda. Sigurado a dayta a debosion ken Jehova ti mangparag-o iti pusona.—Prov. 27:11.
5 Siempre, saan nga amin ket addaan ti sirkumstansia a mangipalubos iti payunir a serbisio. Nupay kasta, naasawaan wenno agwaywayas, agtutubo wenno nataengan iti edad, nainkararagan kadi ti panangusigyo iti panagserbi ken Jehova kas payunir? (Col. 3:23) Adu dagiti agkabannuag a pagasawaan ti agtartrabaho a mangpalawa iti ministerioda tapno maysa wenno isuda a dua ket makapayunirda.
6 No awankayo iti takder a makaregular payunir ita nga agdama, maka-auxiliary payunirkayo kadi? Manamnama nga adu dagiti agibumbunannag iti kongregasionyo ti agplano nga aramidenda dayta iti Abril ken Mayo. Mabalinyo aya ti makikuyog kadakuada? Nupay amin a nasungdo nga adipen ni Jehova ket umawatda ti bendision, iti kanayonan a bendision isut’ agur-uray kadagidiay a mangusar ti ad-adu a tiempo iti serbisio a maipaay ti Pagarian a mangsapul kadagiti marakarnero a tattao.—Ara. 20:35.