Gimong ti Serbisio iti Pebrero
Lawas ti Pebrero 8-14
15 min: Lokal nga anunsio ken Dagiti Pakaammo manipud Ti Ministeriotayo iti Pagarian. Mairaman met ti diskusion iti artikulo idiay panid 3, “Dagiti Manangawit ti Lawag iti Sangakaarubaan.”
20 min: “Iranudyo ti Umiso a Pannakaammo iti Pebrero.” Saludsod ken sungbat. Idemostra iti usar ti baro a tract a mangiyammo iti tukon nga Agbiag nga Agnanayon a libro, kas naisingasing idiay parapo 2 ken 3.
10 min: “Ti Kadi Abril ket Espesial a Bulan Kadakayo?” Palawag iti manangaywan ti serbisio iti artikulo. Maigunamgunam iti itatabuno ti miting iti Domingo, Febrero 14 kadagiti manamnama nga auxiliary payunir bayat dagiti sumaruno a bulbulan.
Kanta 139 ken pangserra a kararag.
Lawas ti Pebrero 15-21
10 min: Lokal nga anunsio.
20 min: “Nainsiriban a Panangusar Kadagiti Nasken a Kagawaan.” Kalpasan iti ababa nga introduksion babaen ti tserman, adda dua a demostrasion a naibasar iti material a naiwayat idiay parapo 2 aginggat’ 5. Iti ngudo ti umuna a demostrasion, ikari iti agibumbunannag ti panagsublina a mangsungbat iti saludsod nga, Apay a pinalubosan ti Dios iti panagsagaba? Idiay konklusion ti maikadua a demostrasion, maipasdek iti panagadal ti Biblia iti pagtaengan babaen ti maitutop a tract.
15 min: No Apay a Saantayo a Selebraran Dagiti Birthday. Diskusion iti panglakayen ken agtutubo nga ulila a naimbag ti ehemplona. Umasideg ti agtutubo iti panglakayen ket agpatulong no kasanona a masaranget ti panangpilit dagiti kapatadanna a tumabuno iti rambak ti birthday wenno panagkasangay. Ammona a dakes ngem kayatna a mailawlawag a naimbag kadagiti dadduma. Irepaso ti panglakayen iti agtutubo ti impormasion idiay pinanid 30-1 iti Setiembre 1, 1992, a Pagwanawanan ken pinanid 78-80 idiay Panakirinnason a libro.
Kanta 151 ken pangserra a kararag.
Lawas ti Pebrero 22-28
10 min: Lokal nga anunsio. Mabasa ti report iti kuenta ken ti subalit iti Sosiedad kadagiti donasion.
20 min: “Panangusar ti Agbiag nga Agnanayon a Libro iti Panagsarungkar.” Saludsod ken sungbat a diskusion. Kalpasanna maadda ti dua a demostrasion iti nasingasing a panangiparang idiay parapo 3 aginggat’ 5.
15 min: No Apay nga Agkedked Dagiti Kristiano iti Dara. Palawag ti panglakayen a naibasar iti depinasion ken umuna a tallo a subtema idiay baba ti “Dara” iti Panakirinnason a libro, pinanid 102-4.
Kanta 177 ken pangserra a kararag.
Lawas ti Marso 1-7
5 min: Lokal nga anunsio.
15 min: Panangitukon iti Apocalipsis a Libro iti Marso. Diskusion kadagiti puntos a mapagsasaritaan ken naisingasing a panangiparang a mausar iti tay-ak ti serbisio. Maisingasing a mausar ti 2 Pedro 3:13 ken Apocalipsis 21:4 agraman ilustrasion ken puntos iti pinanid 302 ken 303 ti Apocalipsis a libro. Paidemostra daytoy iti maysa a makabael a payunir wenno agibumbunannag.
15 min: “Makaserbikayo Aya ken Jehova kas Maysa a Payunir?” Diskusion a kadua dagiti timmabuno. Interbio iti maysa nga agtutubo a regular payunir wenno agibumbunannag a nagpayunir idi agtutubo pay laeng. Mailawlawag no kasano a dagiti nagannak ken dadduma pay ket makaparegtada kadagiti agtutubo a rumagpat iti kalatda ti kinapayunir. Agplanokayo itan kas auxiliary payunir inton Abril.
10 min: Palawag a napauluan iti “Natimbeng a Panangmatmat iti Panaglinglingay,” a naibatay iti Nobiembre 8, 1992, nga Agriingkayo!, pinanid 3-10.
Kanta 160 ken pangserra a kararag.