Dagiti Palagip iti Memorial

Maangay ti Memorial inton Sabado, Abril 11. Asikasuen koma dagiti panglakayen dagiti sumaganad:

◼ Iti panangikeddeng iti oras ti taripnong, siguraduenyo a sa la maipasa dagiti emblema no nakalneken ti init.

◼ Mapakaammuan koma ti amin, agraman ti agpalawag, maipapan iti eksakto nga oras ken pakaangayan ti selebrasion.

◼ Magun-od ken maisagana koma ti maitutop a klase ti tinapay ken arak.—Kitaenyo ti Agosto 15, 1985, a Pagwanawanan, panid 19.

◼ Maipan koma idiay Kingdom Hall ken maiplastar a nasaksakbay dagiti plato, kopa, ken ti mayanatup a lamisaan ken mantel.

◼ Naan-anay a madalusan koma a nasaksakbay ti Kingdom Hall wenno ti sabali a lugar a pagtataripnongan.

◼ Mapili ken maiwardas koma a nasaksakbay dagiti attendant ken mangidiaya maipapan iti umiso a pamay-an a masurot ken dagiti annongenda.

◼ Adda koma maaramid nga urnos tapno maserbian ti asinoman a napulotan a masakit ken saan a makatabuno.

◼ No saan a maymaysa a kongregasion ti nakaeskediul iti maymaysa a Kingdom Hall, adda koma nasayaat a koordinasion dagiti kongregasion tapno maliklikan ti panaglilinnetlet iti pagserkan ken iti kalsada.