No Ania ti Ibagayo Maipapan Kadagiti Magasin

Ti Pagwanawanan Set. 15

“Adda dagiti mangipatpateg iti kinapudno iti nganngani amin a relihion. Ngem maigapu kadagiti relihion a nabingaybingay dagiti tattao. Ania ti ammoyo a mamagkaykaysa kadagiti napudno a tattao? [Kalpasan a sumungbat, basaen ti Sofonias 3:9.] Ipakita daytoy a magasin no kasano a ti pannakaammo iti pudno a Dios pagkaykaysaenna dagiti tattao iti amin a lugar.”

Agriingkayo! Set. 22

“Ipapan ti kaaduan kadatayo a kanayonto latta a nawadwad ti taraon. Ngem adda panagdanag ita a bumasbassit ti abasto a taraon gapu iti siensia. Ilawlawag daytoy a magasin ti dadduma kadagitoy a pakadanagan agraman ti impanamnama ti Biblia a pudpudno a solusion iti parikut.”

Ti Pagwanawanan Okt. 1

“Nalabit umanamongkayo a ti pammati iti Dios ket maysa a banag a di kayat a pagsaritaan ti kaaduan. Ngem apay a kasta dagiti tattao? [Kalpasan a sumungbat, basaen ti Hebreo 11:1.] Isalaysay daytoy a magasin no ania ti pudno a pammati ken no ania ti nagdumaanna no adda wenno awanantayo iti pammati.”

Agriingkayo! Okt. 8

“Kas pagaammoyo, adu ti tinawen a mangramrambak iti Todos Los Santos, ken Halloween. Pinadasyo kadin nga inammo ti namunganayan dagitoy a rambak? [Palubosanyo a sumungbat.] Sigurado a magustuanyo a basaen ti maipapan iti daytoy a suheto.”