No Ania ti Ibagayo Maipapan Kadagiti Magasin

Ti Pagwanawanan Okt. 15

“Ania ti kasapulan tapno agbalin a nasaysayaat, naragragsak ti lubong? [Palubosan a sumungbat.] Pinadasen ti tao ti nadumaduma a kita ti gobierno tapno sumayaat ti kasasaad. Ngem paliiwenyo ti panangmatmat ti Dios iti daytoy. [Basaen ti Jeremias 10:23.] Daytoy nga artikulo ipalgakna ‘Ti Tulbek iti Naragsak a Lubong,’ nga ilawlawagna no kasano a mapasamak daytoy iti mabiit.”

Agriingkayo! Okt. 22

“Umanamongkayo kadi a narigrigat ita ti panagbiag ti tao ngem iti napalabas? [Palubosan a sumungbat.] Impakpakauna ti Biblia daytoy. [Basaen ti 2 Timoteo 3:1.] Adu ti simmuko agsipud ta marigatanda iti panagbiagda. Mangipaay daytoy a magasin iti pudno a pammaregta. Ipakitana no kasano a sarangten ti pannakaupay ken pagbalinen a makapnek ti panagbiag.”

Ti Pagwanawanan Nob. 1

Kalpasan a madakamatyo ti makapadanag a damag, isaludsodyo: “Apay nga aramiden dagiti tattao ti kasta a kinadakes? Ammotayo amin ti naimbag ken dakes, ngem agaramid latta dagiti tattao iti dakes. Apay? [Kalpasan a sumungbat, basaen ti Apocalipsis 12:9.] Ilawlawag daytoy a magasin no kasano a masalaknibantayo babaen ti panangsaluad iti konsiensiatayo.”

Agriingkayo! Nob. 8

“Umanamongkayo la ketdi nga agbibiagtayo iti tiempo ti kinaranggas. [Kalpasan a sumungbat, basaen ti 2 Timoteo 3:3.] Masansan a mapasamak ti ‘kinarungsot’ uray iti uneg ti pamilia. Daytoy nga artikulo, ‘Tulong Kadagiti Makabkabil a Babbai,’ ket naglaon iti mensahe a mangipaay iti namnama. Mabalin nga adda am-ammoyo a mabalinyo a pangiranudan iti daytoy.”