Dagiti Baro a Korporasion a Nabuangay

Impadamag ti Enero 15, 2001, a ruar Ti Pagwanawanan ti organisado a wagas dagiti Saksi ni Jehova iti agtultuloy nga irarang-ay ti trabaho ti Pagarian iti intero a daga. Inlawlawagna met no kasano a ti nadumaduma a legal nga ahensia ket maus-usar kas instrumento tapno naparpartak ti pannakaisaknap ti naimbag a damag. Kasapulan dagita nga ahensia wenno korporasion kas panangtungpal kadagiti lokal ken nasional a linteg, nga iparebbeng ti Sao ti Dios. (Roma 13:1) Gapu iti nadumaduma a kasasaad ken saklawen ti trabahotayo, inanamongan ti Bagi a Manarawidwid ti pannakabuangay dagiti kanayonan a korporasion a mangaywan kadagiti kasapulan dagiti Saksi ni Jehova idiay Estados Unidos. Dagitoy dagiti baro a korporasion:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Mausar dagitoy agraman ti Watch Tower Bible and Tract Society of Pennsylvania ken Watchtower Bible and Tract Society of New York, Inc. Maapresiar unay ti kooperasionyo iti daytoy a panagbalbaliw nga inaramid ti Bagi a Manarawidwid iti panangtungpalna iti akemna a mangaywan iti amin a sanikua ti Apona.—Mat. 24:45-47.