No Ania ti Ibagayo Maipapan Kadagiti Magasin

Ti Pagwanawanan Peb. 15

“Pinampanunotyo kadin no kasano ti kasayaatan a panangiwanwan iti biagyo ken panangaramid kadagiti napateg a desision? [Palubosanyo a sumungbat.] Masarakan iti Biblia ti dadduma kadagiti kasayaatan a pammagbaga, kas iti Nabalitokan a Bilin. [Basaenyo ti Mateo 7:12.] Ania dagiti dadduma pay a nadiosan a prinsipio a direkta a makagunggona kadatayo? Masarakanyo ti sungbat iti daytoy a magasin.”

Agriingkayo! Peb. 22

“Mabalin a napaliiwyo nga adu a pagtrabahuan ti pumegpeggad. Mangipaay daytoy a magasin kadagiti nagsayaat a singasing no kasano a mapagbalin dagitoy a nataltalged. Ipakitana met nga agpaay a pagimbagantayo no addaantayo iti balanse a panangmatmat iti sekular a trabaho. Pangngaasiyo ta basaenyo daytoy.”

Ti Pagwanawanan Mar. 1

“Gapu kadagiti amin a mapaspasamak ita, adu kadatayo ti mangpampanunot no ania ti adda iti masanguanan. Iti nalatak a kararag, impalgak ni Jesu-Kristo ti rason no apay a mabalintay ti kumita iti masanguanan buyogen ti panagtalek. [Basaenyo ti Mateo 6:9, 10.] Ulit-uliten laeng ti sangatauan dagiti biddut a napasamak iti nabayagen a tiempo. Ngem kadagidi a tiempo, addaan iti naragsak a masakbayan dagidiay agserserbi iti Dios. Ilawlawag daytoy a magasin no kasanotay met a magun-odan dayta.”

Agriingkayo! Mar. 8

“Ipagpaganetget ti Biblia ti kinapateg ti natimbeng nga edukasion. [Basaenyo ti Proverbio 2:10, 11.] Adu kadatayo ti makabigbig no kasano kapateg a maaddaan dagiti annak kadagiti kualipikado a mannursuro. Itampok ti Agriingkayo! ti napateg nga akem dagiti mannursuro, no kasanotay a maipakita ti apresasion iti panagsakripisioda, ken no ania ti maaramidan dagiti nagannak tapno matulongan ida iti narigat a karit a naipasango kadakuada.”