No Ania ti Ibagayo Maipapan Kadagiti Magasin

Ti Pagwanawanan Mar. 15

“Umanamongkayo kadi a ti nalinteg a turay pagbalinenna daytoy daga a nasaysayaat a pagnaedan? [Palubosanyo a sumungbat.] Pangngaasiyo ta imutektekanyo no ania ti inkari ti Biblia. [Basaenyo ti Salmo 37:11.] Matagiragsaktayo ti kasta a talna iti sidong ti perpekto a Lider a naipakita kadagitoy nga artikulo.”

Agriingkayo! Mar. 22

“Nagadu ti matay ken madadael gapu kadagiti ginggined. Masansan a maawanan iti pagtaengan dagiti makalasat ken marigatanda a mangabaruanan. Ipakita daytoy a ruar ti Agriingkayo! no kasano a napagballigian dagiti biktima ti epekto ti ginggined. Ilawlawagna met no kasano a nainaig dagiti ginggined iti nakapatpateg a padto ti Biblia.”

Ti Pagwanawanan Abr. 1

“Kayatko nga iranud kadakayo ti makaliwliwa a kapanunotan manipud Biblia. [Basaenyo ti Mateo 22:37.] Panagkunayo, ania ti kaipapanan daytoy? [Palubosanyo a sumungbat.] Imutektekanyo daytoy artikulo a, ‘Birokenyo ti Dios Buyogen ti Puso ken Panunotyo.’ Ti kadi pudno a pammati ket maysa laeng a kasasaad iti puso, wenno nairaman met iti dayta ti isip? Adu ti maadaltayo iti sungbat dayta a saludsod.”

Agriingkayo! Abr. 8

“Kas pagaammoyo, maysa a karit ti panangaywan iti pamilia kadagitoy nga aldaw, ket narigat a trabaho ti agbalin nga ina. Makapainteres ti panangsalaysay daytoy a ruar ti Agriingkayo! iti artikulo a ‘Panagbalin nga Ina​—Masapul Aya a Paglainganna ti Amin?’ Kayatko nga ibati daytoy a kopia kadakayo.”