No Ania ti Ibagayo Maipapan Kadagiti Magasin

Ti Pagwanawanan Mayo 15

“Panagkunayo addanto ngata panawen a makitatayo ti lubong nga awanan iti kinapanglaw? [Palubosanyo a sumungbat.] Siputanyo no ania ti kari ti Dios. [Basaenyo ti Isaias 65:21.] Salaysayen daytoy a ruar Ti Pagwanawanan no kasano a matungpal daytoy a kari.” Iyurnosyo ti agsubli tapno pagsaritaanyo ti saludsod a: Kaano a mapasamak daytoy naikari a panagbalbaliw?

Agriingkayo! Mayo 22

“Kaaduan a tattao ti makaammo a napateg ti panagehersisio tapno nasalun-at ti bagi, kaskasdi bigbigen ti adu a manmanoda nga agehersisio. Kastakayo kadi? [Palubosanyo a sumungbat.] Usigen daytoy a magasin dagiti gunggona ti regular a panagehersisio ken mangisingasing kadagiti sumagmamano a pamay-an no kasano a maiwayaan dayta iti laksid ti kinaokupadotayo.”

Ti Pagwanawanan Hun. 1

“Nupay dandani pagsasaritaan ti amin ti maipapan iti kappia, saan pay laeng nga agkaykaysa ti lubong. Iti panagkunayo tagtagainep laeng kadi ti pannakatungpal daytoy? [Palubosanyo a sumungbat.] Daytoy a magasin itampokna ti gobierno a makabael a mamagkaykaysa iti lubong.” Basaenyo ti Salmo 72:7, 8, ket iyurnosyo ti agsubli tapno pagsaritaanyo no kasano a mapasamak dayta.

Agriingkayo! Hun. 8

“Napaliiwyo kadin a nagadu dagiti maseknan iti lumanlanlan a panagsaknap ti kanser ti kudil? [Palubosanyo a sumungbat.] Ilawlawag daytoy a ruar ti Agriingkayo! no apay a mabalin a nakarkaro ita ti sangsanguentayo a peggad ken no ania ti maaramidantayo tapno masalakniban ti bagitayo.” Ingudoyo babaen ti panangiranudyo iti makaliwliwa a kari a masarakan iti Job 33:25.