No Ania ti Ibagayo Maipapan Kadagiti Magasin

Ti Pagwanawanan Mayo 15

“Inaldaw a makadamagtayo iti kinaranggas. Panagkunayo adda kadin kakasta a kasasaad idi un-unana? [Palubosanyo a sumungbat.] Imutektekanyo ti kuna ti Biblia. [Basaenyo ti Mateo 24:37.] Nagdakes ti kasasaad idi kaaldawan ni Noe, isu nga inkisap ti Dios amin a tattao malaksid ken ni Noe ken ti pamiliana. Ipakita daytoy a magasin no ania ti kaipapanan kadatayo ita dagidi a pasamak.”

Agriingkayo! Mayo 22

“Maysa kadagiti adu a mamagpeggad iti salun-attayo ita ket ti sakit nga iyakar dagiti insekto. Ammoyo kadi nga adda dagiti addang a mabalintay nga aramiden tapno masalaknibantayo? [Palubosanyo a sumungbat.] Salaysayen daytoy a magasin dagitoy nga addang, kasta met ti kari ti Biblia maipapan iti panawen nga awanton ti sakit.” Ingudoyo babaen ti panangibasayo iti Isaias 33:24.

Ti Pagwanawanan Hun. 1

“Gapu kadagiti damag maipapan iti di umiso a pannakaaramat dagiti naidonar a kuarta, pampanunoten dagiti dadduma no nainsiriban ngata ti agdonasion iti charity. Ngem nagadu dagiti tao nga agkasapulan. Ania ti panagkunayo a mabalintay nga aramiden? [Palubosanyo a sumungbat. Sa basaenyo ti Hebreo 13:16.] Ilawlawag daytoy a magasin ti kita ti panangted a makaay-ayo iti Dios.”

Agriingkayo Hun. 8

“Agparang a saan a kas kadagiti naglabas a tawen, saan nga ipatpateg ita dagiti tattao ti moralidad ken dagiti nasayaat a kababalin. Saan kadi a pudno dayta? [Palubosanyo a sumungbat.] Makapainteres ta impakpakauna daytoy ti Biblia. [Basaenyo ti 2 Timoteo 3:1-5.] Salaysayen daytoy a ruar ti Agriingkayo! no apay nga agbaliwbaliw dagiti pagalagadan ti tao ken no ania ti agur-uray iti masanguanan.”