No Ania ti Ibagayo Maipapan Kadagiti Magasin

Ti Pagwanawanan Hun. 15

“Kaaduan kadatayo ti mangbusbusbos iti biagna iti panagtrabaho. Adda dagidiay mangmatmat iti dayta kas bendision; adda met dagidiay mangmatmat iti dayta kas lunod. Ania ti makunayo? [Palubosanyo a sumungbat sa basaenyo ti Eclesiastes 2:24.] Ipakita daytoy a magasin no kasano a matulongannatayo ti Biblia a maaddaan iti balanse a panangmatmat iti trabaho. Ilawlawagna pay no kasano a daeran dagiti pakasikoran mainaig iti trabaho.”

Agriingkayo! Hun. 22

“Iti panagkunayo nasaysayaat ngata ti komunidadtayo no iyaplikar ti tunggal maysa dagitoy a sasao? [Basaenyo ti Efeso 4:28 sa palubosanyo a sumungbat.] Ilawlawag daytoy a magasin no kasano a maapektaran iti kasta unay ti tunggal maysa kadatayo gapu iti panagtakaw iti tagilako. Salaysayenna pay no kasano a ti panagtakaw iti tagilako, ken ti amin a dadduma pay a krimen, ket asidegen nga agpatingga.”

Ti Pagwanawanan Hul. 1

“Adda amin am-ammotayo a tattao a kasla naballigi ngem kaskasdi a mariknada nga adda kurang iti biagda. Ania ti ammoyo a sapsapulenda? [Palubosanyo a sumungbat sa basaenyo ti Mateo 5:3.] Salaysayen daytoy a magasin ti napateg a tulbek tapno maaddaantayo iti talna ti panunot—ti panangpennek iti naespirituan a kasapulantayo.”

Agriingkayo! Hul. 8

“Iti kaaldawantayo, dakkel a parikut ti kinaawan panggedan gapu iti nakaro a kompetision iti panagbirok iti trabaho. Usigen daytoy a magasin dagiti lima a pamay-an iti panagbirok iti trabaho. [Itampokyo dagiti napuskol ti pannakaisuratna a subtitulo ti artikulo a “Lima a Pamay-an iti Panagbirok iti Panggedan.”] Mangted pay kadagiti praktikal a singasing no kasano a mataginayon ti trabaho.” Basaenyo ti Proverbio 22:29, a nakotar iti panid 10.