No Ania ti Ibaga No Itukon Dagiti Magasin

Ti Pagwanawanan Mayo 1

“Anianto ngata ti kasasaad ti lubong no iyaplikar dagiti tattao dagitoy a sasao ni Jesus? [Basaenyo ti Mateo 7:12 sa palubosanyo a sumungbat.] Ilawlawag daytoy nga artikulo ti sumagmamano kadagiti pannursuro ni Jesus a mangipakita no ania a talaga ti ramanen ti panagbalin a Kristiano.” Itampokyo ti artikulo a mangrugi iti panid 16.

Agriingkayo! Mayo

“Iti panagkunayo, mabiit ngatan a rumang-ay ti ekonomia? [Palubosanyo a sumungbat.] Saan nga ammo ti kaaduan no kasano a makatulong ti Biblia kabayatan daytoy narigat a panawen. [Mangibasakayo iti maysa a teksto a masarakan iti artikulo.] Ipakita daytoy nga artikulo no kasano a makatulong kadatayo ti balakad ti Biblia tapno madaerantayo ti narigat a tiempo.” Itampokyo ti artikulo a mangrugi iti panid 18.

Ti Pagwanawanan Hunio 1

“Saan a kas idi un-unana, saanen a pagsasaritaan ti adu a relihion ita ti maipapan iti basol. Mamatikayo kadi a ti basol ket kadaanan laengen a kapanunotan, wenno banag a nasken a pakaseknantayo? [Palubosanyo a sumungbat sa basaenyo ti Roma 5:12.] Ilawlawag daytoy a magasin no ania ti kuna ti Biblia maipapan ti basol.”

Agriingkayo! Hunio

“Kasla ad-adda itan a makapa-stress ti biag. Umanamongkayo kadi? [Palubosanyo a sumungbat.] Adu ti mangibaga a dagitoy ti maysa a pakaigapuan ti nakaro a pannaka-stress. [Basaenyo ti 2 Timoteo 3:1.] Ilawlawag daytoy a magasin no kasanonatayo a maapektaran ti stress. Mangipaay met iti singasing no kasanotayo a makontrol dayta.”